南小館 (青衣城2) (已結業)

屋企有兩張優惠券今日到期，食夠150蚊可減50，食得冇嘥嘛，今晚用左佢。南小館d菜式，我地已經好熟了，奈何葵芳分店近期冇左，所以今晚去到青衣城食，在門口等位時，已經plan好食咩。一如往常的大良炒飯，松子，蝦仔，豉油炒飯，每次都會order。老乾媽炒年糕，有d辣，豆豉肉絲，醬炒年糕，QQ地，好滿足。今天主菜系特式松子魚，酸酸甜甜，色相味俱全，見到就好開胃。廚師刀工考究，魚肉切成一粒粒小塊，松子，青豆，點綴呢道菜式，肉質鮮嫩，贏晒。