影片
更多
2019-07-30
1400 瀏覽
老婆大人吹雞入數碼港南坊吃飯原來轉咗新師傅！數碼港去得多艾美酒店就第一次入嚟！ 入面裝飾好骨子樓底又夠高好鬼舒適喎！ 仲有好多酒可以揀不過大家第二日要返工，下次約個酒局先得。
入面裝飾好骨子樓底又夠高好鬼舒適喎！
仲有好多酒可以揀不過大家第二日要返工，下次約個酒局先得。
首先有靚到嘩嘩聲嘅南坊三碟！有鬆化甜絲絲嘅黑天鵝酥入面係白蓮蓉嚟唔會好甜，仲有原隻鮑魚金盞而家有牙力食梗係好好享受啦，仲有頂癮嘅咸蛋皇蝦餃咸咸地幾趣緻！
呢碟係蝦球大良炒奶又黑醋珠又金箔咁好鬼西式，但係大良炒奶又好中式喎，入面仲有大大隻又彈牙又鮮味嘅蝦球正呀喂！
一人一盅蟹肉冬茸瑤柱羹有鮮味無極限嘅瑤柱同蟹肉，熱辣辣飲落去好蘇胡啊！
跟住呢味龍蝦湯燴大蝦嘅龍蝦湯好飲到癲咗！加埋隻爆羔嘅大虎蝦真係唔講得笑！側邊啲炸薑絲都好味過人，仲有底下嘅陳村粉掛滿龍蝦湯滑嘟嘟好好好味呀。
老婆大人鍾意食辣就點個麻辣水煮星斑片佢嘆！望落好似唔係幾辣點知食一舊頭頂即刻標煙！不過又真係好香好味。
辣到我紮紮跳好彩叫咗碟甜甜嘅紫蕃薯浸菜芯，又淋又香嘅紫蕃薯好解辣喎。
有黑洞胃嘅我食咗一個半杜小月櫻花蝦炒飯，炒飯煮得好入味仲有甜口嘅櫻花蝦好食呀！
甜品係牛奶多士同埋楊枝甘露，牛奶多士加咗爆炸糖食落好得意，楊枝甘露甜得嚟唔漏好香芒果味我鍾意呀，新師傅嘅正菜已俘虜咗我地個咀應該好快會返兜。
張貼
