影片
更多
2020-02-13
46 瀏覽
呢日喺MOKO食Lunch，食完就周圍行下，好耐無行呢個商場，估唔到變咗咁多，而且我而家先發現原來個商場咁大🙈。行下行下一樓啲手作文青店，見到有間好少女風嘅靚靚小店，原來係賣養生茶包的🌿。除咗茶包外，仲有茶飲同蛋糕仔賣🧁。見頭先食晏未食甜品，就試下啦，加上小店有做套餐$58，包自選杯裝飲品一杯+花茶蛋糕一件。皇牌氣血茶❤️(原價$38)，見個名好似好養生咁XD，而且水牌上嘅效用係寫住「理氣散瘀、暖宮驅寒」，就叫咗杯熱嘅嚟試下。不過要小心個杯熱啊，因為係用膠杯，所以一定要拎住紙皮個位。氣血茶用上多種花同棗，甘甘地唔太甜飲落幾舒服，感覺好似真係啱女仔飲咁💁♀️。士多啤梨茶🍓(原價$36)，呢個係朋友叫嘅，只能夠點凍茶，因為係泡泡系列，所以茶上面嘅係泡泡，而唔係奶蓋。士多啤梨味唔算太濃，反而加咗片青檸令佢變得清新。夢幻卷蛋🦋(原價$42)，蛋糕係藍色，望落的確幾夢幻。不過味道就無乜特別，正常一件蛋卷。白朱古力抹茶蛋糕🍵(原價$42)，造型成個冬甩咁🍩，幾得意。抹茶搭配白朱古力幾夾，幾好味，上面仲有啲食用花添。由於我杯氣血茶真係唔錯，所以特登望下啲茶包。原來都幾多款揀，$120/10包，定價可接
呢日喺MOKO食Lunch，食完就周圍行下，好耐無行呢個商場，估唔到變咗咁多，而且我而家先發現原來個商場咁大🙈。行下行下一樓啲手作文青店，見到有間好少女風嘅靚靚小店，原來係賣養生茶包的🌿。
除咗茶包外，仲有茶飲同蛋糕仔賣🧁。見頭先食晏未食甜品，就試下啦，加上小店有做套餐$58，包自選杯裝飲品一杯+花茶蛋糕一件。
皇牌氣血茶❤️(原價$38)，見個名好似好養生咁XD，而且水牌上嘅效用係寫住「理氣散瘀、暖宮驅寒」，就叫咗杯熱嘅嚟試下。不過要小心個杯熱啊，因為係用膠杯，所以一定要拎住紙皮個位。氣血茶用上多種花同棗，甘甘地唔太甜飲落幾舒服，感覺好似真係啱女仔飲咁💁♀️。
士多啤梨茶🍓(原價$36)，呢個係朋友叫嘅，只能夠點凍茶，因為係泡泡系列，所以茶上面嘅係泡泡，而唔係奶蓋。士多啤梨味唔算太濃，反而加咗片青檸令佢變得清新。
夢幻卷蛋🦋(原價$42)，蛋糕係藍色，望落的確幾夢幻。不過味道就無乜特別，正常一件蛋卷。
白朱古力抹茶蛋糕🍵(原價$42)，造型成個冬甩咁🍩，幾得意。抹茶搭配白朱古力幾夾，幾好味，上面仲有啲食用花添。
由於我杯氣血茶真係唔錯，所以特登望下啲茶包。原來都幾多款揀，$120/10包，定價可接受啦，主要係個包裝幾得體，送禮自用皆宜😌。
總括嚟講，呢到嘅養生茶除咗可以嚟坐低飲一杯外，亦可以買茶包走。茶飲比蛋糕出色，不過如果坐低同朋友傾下偈嘅話，叫個套餐亦係一個好選擇。再者，呢到環境確係幾靚，好多花花又採用雲石枱，打卡一流💖。
張貼
