凱悅海南雞專門店 (已改名) 查看

又係中午放飯周圍食，見網友講呢間凱悅海南雞咁多好評，一於黎試下，同行幾位同事都話有興趣，咁就大家一齊試一齊評啦。小店鋪面唔大，數埋好似都無10張枱， 但地方整齊企理，都坐得舒服既，睇過餐牌之後我地都1律揀無骨雞同無骨鹽水加積鴨就$55，話晒招牌菜嘛，我本人就想試晒2樣揀雙拼，$64貴少少。落單後都會送上1碗紫菜湯，飲品就另加$5，紫菜湯好重胡椒味，聽聞係加左雞殼一齊煲，但唔係好飲得出。話咁快飯到啦，飯底可揀白飯或黃薑飯，我地都係揀黃薑飯，先講下雞，雞真係好嫩滑，有雞味，由於揀無骨雞所以俾既部位都會比較有肉d，而有樣幾好既就係師父幫你起晒d皮下肥膏，食落減少左罪惡感，但變相連d啫喱都會起埋，呢方面好壞參半，鹽水鴨既部份我地覺得味道偏淡少少，但肉質幾好既幾爽口，黃薑飯d黃薑味唔會好重，幾香，飯質都唔錯算係粒粒分明。