Coffee Hwajeon 커피화전

營業中

休息中

以前去韓國旅行都好鍾意搵當地啲甜品店打卡，近年香港開咗好多韓系Cafe。ELEMENTS呢間主打甜品嘅簡約木系風嘅Cafe，周圍都有鮮花擺設，座位寬敞。嘢食擺盤精緻。每一件都似藝術品咁靚。置身於呢個環境食返個甜品，心情都會特別愉悅🥰半半炸雞，有芝士味同原味兩款。芝士味炸雞外脆內嫩，芝士香味濃郁，非常吸引！而原味炸雞則保留咗肉質嘅原汁原味，鹹香適中，無論係配搭醬汁定係單吃，都好好味。伯爵茶布甸牛角包窩夫，真係好特別！窩夫鬆軟香脆，配上細膩嘅伯爵茶布甸，茶香撲鼻，口感滑溜。士多啤梨戀人刨冰，色澤靚麗，士多啤梨果味濃郁，刨冰質地爽滑，喺夏天食真係好舒服。再加上一啲鮮奶油，甜而不膩，實在係一個完美嘅消暑選擇。飲品方面，儀式咖啡雪糕好有創意，咖啡味濃厚，雪糕質地綿密，飲落去既有咖啡嘅香氣，又唔會太甜，係一個唔錯嘅選擇。最後，棉花糖泡泡，色彩繽紛，味道輕盈，帶有一絲甜蜜，俾人一種童年嘅回憶。