雞同鴨講

營業中

休息中

雞同鴨講開得好近YOHO，想食雞成日黎呢度買，佢喺雞同鴨真係好好食🤤⭐無骨醬油雞飯雞件嫩滑入味，有醬油味有雞味，正在雞皮下唔肥，啖啖肉勁正。⭐無骨鹽水鴨飯鹽水鴨比雞瘦，入口鹹鹹地有咬口，肉質鮮美😋黃薑飯香口，水量適中唔過淋，正。⭐鎮香豬軟骨第一次叫豬軟骨，炆得好淋好入味喎，香香甜甜好正，連軟軟骨位都輕鬆咬爛，個汁撈白飯正。⭐新鮮沙薑豬手粒豬手勁爽口，咬落彈牙，係南薑同蒜香味，仲有芫荽香，睇電視嚼豬腳正😆⭐醬汁一盒飯跟一款醬汁，有薑蓉、泰式、沙茶、百撘。個人覺得前三樣同雞夾啲，百撘就同雞同鴨都夾，同埋百撘醬唔辣，大人細路都啱點😆好食又抵食，好多人黎斬料加餸㗎。