曲奇四重奏 (人和悅大廈)

營業中

休息中

突然間好想食曲奇餅 咁啱又喺銅鑼灣鵝頸橋街市附近行 見到位置比較偏僻嘅呢間曲奇四重奏 間鋪頭細細 但係都放咗好多唔同嘅貨品 大部分包裝都好精緻 特別啲曲奇餅 好多都整到有笑哈哈心形甚至有圖案睇見就想買 揀咗好耐之後 決定買呢一盒朱古力雜錦 入面雖然話係朱古力雜錦其實都有其他味道 包括有果仁啦紅莓啦提子啦伯爵茶啦 同埋芝麻 個人比較鍾意食芝麻同伯爵茶 芝麻係原粒一齊整嘅 都仲咬到佢一粒粒 伯爵茶就好香好香earl grey味 另外就係主打嘅朱古力餅 感覺就略嫌唔夠驚喜 同普通超級市場買到嘅朱古力曲奇餅冇乜分別 大部分曲奇都唔夠鬆化 唔夠脆 比較硬唔適合老人家同小朋友食 下次都係買番蝴蝶酥 至少大人細路都食得