永祥燒臘飯店

營業中

休息中

在跑馬地逛左一陣,坐巴士之前走入呢間頗有歷史燒臘店買馳名叉燒,而且好好彩剛好叉燒出爐,叔叔仲未掛上架已被我買左一斤。入盒後,叔叔細心將盒角切走用作透氣,仲提醒我一返到去要拎出黎,以免焗淋唔好食。多謝叔叔提點,只係我唔係住係附近,返到屋企無可避免地一定會淋!車程中不斷聞到叉燒香氣,超級吸引!!返到屋企打開個盒,滿滿一盒靚靚叉燒,叔叔揀左d頗瘦叉燒,肉質雖然有點硬,但味道的確幾好,尤其帶焦部份,脆脆地又係另一種感覺。叉燒汁係吃叉燒另一重要元素,呢間老字號叉燒汁應該用上麥芽糖所製成,甜甜地令到叉燒有蜜味,正!!雖然地方有點殘舊,但個人覺得靚燒味要係呢種舊舊地既燒臘店至可以搵得到,呢間定是其中之一。