Redhouse (已結業)

今晚應老闆既要求，帶個外國客去蘭貴坊飲野，順便同佢揾間坐得好既中菜餐廳食飯！上openrice話 加州大廈 有間個景唔錯既紅樓，就趁飲酒同埋個客去食下講真廿幾樓既景真係無得彈，落地玻璃望落去中環，格外有feel樓底又高，個客都話坐得都幾舒服！喺經理既介紹底下，我就order左d點心同小菜，呢度d點心比想像中更精緻！ 賣相出色，用料都好好，先嚟到有點心香檳金蝦餃，金金地色既外層幾吸引，入面塞滿香甜彈牙既大蝦！跟坐有賣相極出色既充滿松露香味，外脆內煙韌既珍菌黑松露球睇個外型真係估唔到佢原來係用菇為主材料既點心，味道有點似咸水角！好味食中菜除左點心外，仲點會少得食叉燒，所以都叫左佢哋招牌菜黑豚肉叉燒皇(例牌), 半肥瘦既黑豚肉肉汁豐富，咬落都幾軟稔，用上日式的醬汁，比蜜汁更甜更香！ 我都忍唔住食多左幾舊除左肉外，又點少得菜呢？ 我仲叫左份濃湯菜心，菜心都幾甜同嫩！ 另外我哋仲叫左個紅樓招牌炒飯，顏色豐富既賣相都幾吸引，入面有大量蟹籽，蟹肉，蝦仁等等精選配料，用料不錯，炒出來鑊氣十足，而且都幾香！客人說喺佢未食過咁好食既炒飯！ 咁我都算無介紹錯喺我哋食緊炒飯既時間，待應静俏俏咁幫我哋用邊爐煮好