香港地 (已結業)

午餐時間黎想食下茶記，呢間香港地環境算乾乾淨淨，睇下有咩好食先午餐都幾多選擇，入去先慢慢揀叫左個頭抽乾炒M5澳洲和牛炒河粉 $66個名好長好殺食，即係港人至愛乾炒牛河，賣相幾靚，仲用鑊仔上，係咪澳洲和牛我就食唔出，不過真係咸左啲，食晒啲河淨返啲牛，仲要飲多兩杯水夏威夷芝士焗豬扒飯 $55芝士份量足，豬扒碎上方便食，味道正常套餐包野飲，見佢個蛋白奶茶好似好正好滑，一於試試蛋白奶茶飲落茶底太濃有啲苦澀，奶茶唔夠滑，而且同蛋白唔係好夾，小伏要加番包糖中和下下次都係踏實啲要返杯檸茶檸水就算埋單送上9折券～呢個價錢OK啦～