影片
更多
2025-01-21
101 瀏覽
鍾意食靚牛肉嘅人相信都應該鍾意食漢堡包我呢個牛魔王都唔例外！呢日同老婆大人去啟德體育園睇吓香港嘅新建設，仲去咗一間好正嘅漢堡包食晚餐。呢間個名叫做N+ BURGER咪睇佢有個鬼佬名！其實佢係陀地店但就喺澳洲有個自家飼養牧場，真係好有誠意做漢堡包喎。入面嘅裝修顏色好清新，但我最鍾意係佢哋掛喺牆上嘅舊啟德機場嘅相，對於我呢個曾經係東九龍嘅人特別有親切感。今日我哋就可以試到嚟自農場嘅漢堡包，究竟同出面嘅有啲咩分別呢？我同老婆大人每人揀咗一款漢堡包，我就梗係食牛肉而唔食牛嘅佢就揀咗雞扒，再加一啲小食同飲品已經好鬼豐富。呢度同一般快餐店一樣飲品都係汽水之類！不過如果鍾意飲咖啡佢都有好多選擇，我同老婆大人都揀咗佢哋嘅自家有汽檸檬水，少甜得嚟有啲好香嘅檸檬味幾清新。喺薯條同薯角之間我哋揀咗薯角！炸得外皮幾脆口入面就好粉淋，唔會好重調味食到薯仔本身嘅香甜好味得嚟仲好飽肚添。每份薯角都會跟一款醬汁我哋揀咗蜜糖芥末醬，另外加錢再揀多兩款係燻烤醬同埋松露醬三個都好正，但我個人就特別鍾意松露醬夠重口味吖嘛。點解有三款因為我哋後加咗一個脆雞柳！呢個脆雞柳炸漿好輕身入面嘅雞柳仲有肉汁，食落去香脆又鮮嫩絕對唔係一般
呢間個名叫做N+ BURGER咪睇佢有個鬼佬名！其實佢係陀地店但就喺澳洲有個自家飼養牧場，真係好有誠意做漢堡包喎。
入面嘅裝修顏色好清新，但我最鍾意係佢哋掛喺牆上嘅舊啟德機場嘅相，對於我呢個曾經係東九龍嘅人特別有親切感。
今日我哋就可以試到嚟自農場嘅漢堡包，究竟同出面嘅有啲咩分別呢？
我同老婆大人每人揀咗一款漢堡包，我就梗係食牛肉而唔食牛嘅佢就揀咗雞扒，再加一啲小食同飲品已經好鬼豐富。
呢度同一般快餐店一樣飲品都係汽水之類！不過如果鍾意飲咖啡佢都有好多選擇，我同老婆大人都揀咗佢哋嘅自家有汽檸檬水，少甜得嚟有啲好香嘅檸檬味幾清新。
喺薯條同薯角之間我哋揀咗薯角！炸得外皮幾脆口入面就好粉淋，唔會好重調味食到薯仔本身嘅香甜好味得嚟仲好飽肚添。
每份薯角都會跟一款醬汁我哋揀咗蜜糖芥末醬，另外加錢再揀多兩款係燻烤醬同埋松露醬三個都好正，但我個人就特別鍾意松露醬夠重口味吖嘛。
點解有三款因為我哋後加咗一個脆雞柳！呢個脆雞柳炸漿好輕身入面嘅雞柳仲有肉汁，食落去香脆又鮮嫩絕對唔係一般快餐店可以媲美嘅出品。
呢度真係好特別連蔬菜都有得賣！呢一個係烤抱子甘藍炒到有啲焦香食落去一啲苦味都冇即時感覺健康。
相信大家都好心急究竟個漢堡包好唔好食！我點咗全場最貴嘅特級黑松露牛前南漢堡都係$100啫！貪心嘅我仲額外加咗高級安格斯牛肉漢堡同芝士，佢哋用嘅麵包係酸種麵包口感好鬆軟夠實在，牛肉好香甜冇臊味仲好香濃添，配菜有炒本菇同埋生菜食落去唔會好有膩感，最重要係食完呢個漢堡包係感覺到滿足呀。
老婆大人就食呢個火焰烤雞漢堡！點解揀佢因為入面其中一樣係佢最愛嘅菠蘿，我都試咗一啖菠蘿嘅香甜加埋惹味多汁嘅烤雞真係好和味，老婆大人仲加咗健康嘅牛油果醬令到個包食落又香又滑。
張貼
