影片
更多
2024-07-22
1263 瀏覽
靚景好View之《KABOOM》《KABOOM》好View一直都知，今晚終於試到，餐廳位於大廈頂層連天台，一出lift已經望到維港景色，日與夜維港景色十分怡人，天台位置設有露營帳幕好有氣氛，職員安排左座吧台區，感覺十分chill，餐廳有好多不同類型酒類，而Cocktail亦好多選擇俾大家，KABOOM Sharing Platter：當中有5款小食，有炸蝦丸、炸春卷、炸雞翅、泰式魚餅、豬肉串燒棒、炸雞翅，配有三種不同醬汁，拼盤份量都多，絕對可以share 3 - 4食。炸雞翅同泰式魚餅好香口，小小辣，炸春卷好脆口，食落唔油膩，豬肉串燒棒，肉質鬆軟，炸蝦丸好彈牙。Hamachi Ceviche with Kaffir Lime Oil：油甘魚味道鮮甜，加上伴碟既kaffir lime(青檸葉)既醬汁，有少少微酸，味道新爽，十分開胃。Grilled Gai Yang Chicken：件量大件，用左泰式香料醃製，整份烤雞都好入味，少少辣，肉質札實，外層燒得脆口，配上烤餅好食，呢道菜用來送酒絕對不錯既選擇。Lobster Pasta With Lobster Tail：上台賣相美觀，龍蝦好大隻
《KABOOM》好View一直都知，今晚終於試到，餐廳位於大廈頂層連天台，一出lift
已經望到維港景色，日與夜維港景色十分怡人，天台位置設有露營帳幕好有氣氛，
職員安排左座吧台區，感覺十分chill，餐廳有好多不同類型酒類，而Cocktail亦好多選擇俾大家，
KABOOM Sharing Platter：
當中有5款小食，有炸蝦丸、炸春卷、炸雞翅、泰式魚餅、豬肉串燒棒、炸雞翅，配有三種不同醬汁，拼盤份量都多，絕對可以share 3 - 4食。
炸雞翅同泰式魚餅好香口，小小辣，炸春卷好脆口，食落唔油膩，豬肉串燒棒，肉質鬆軟，炸蝦丸好彈牙。
Hamachi Ceviche with Kaffir Lime Oil：
油甘魚味道鮮甜，加上伴碟既kaffir lime(青檸葉)既醬汁，有少少微酸，味道新爽，十分開胃。
Grilled Gai Yang Chicken：
件量大件，用左泰式香料醃製，整份烤雞都好入味，少少辣，肉質札實，外層燒得脆口，配上烤餅好食，呢道菜用來送酒絕對不錯既選擇。
Lobster Pasta With Lobster Tail：
上台賣相美觀，龍蝦好大隻，本身已切開一半，方便客人進食，肉質好爽，入口鮮甜，意粉形狀特別，口感彈牙，意粉每條都沾滿龍蝦醬汁，龍蝦汁加入椰奶煮法特別，令醬汁更順滑及香口，好好食。
Cocktail - Miss You / Jealousy is Killing me：
Cocktail每款都好特別，味道各有特色。
總結，餐廳有氣氛，食物有質素，職員十分nice。
張貼
