影片
更多
2019-12-24
192 瀏覽
放假當然要放鬆下，約朋友去嘆Brunch，慢慢傾都得，仲要有靚景睇，位於23樓頂層，飽覽繁華大廈高樓與背後山水風景，好悠閒寫意。臨近聖誕，餐廳仲有聖誕裝飾，好有氣氛。特別要讚餐廳服務很好很貼心，上菜同收碟、添水……都很勤快，又有禮貌。半自助早午餐 $98/位，可任食前茶、沙律、甜品等等，可加錢選擇7款不同主菜，會包一杯茶/咖啡，也可加錢要升級飲品。沙律款式唔算多，但就精緻美味，除了自由配搭材料，仲有數款調配好的，也有火腿等選擇，而且refill的是不同款沙律，有新意唔會悶，仲驚喜架。其中的水牛芝士蕃茄沙律，就非常吸引，賣相美觀。水牛芝士清新輕盈，有奶香又嫩滑的口感，配清新蕃茄同醋汁，好開胃美味。另外，有滑蛋、烤蕃茄、麵包、煙肉……自由組合豐富的all day breakfast 都得，滑蛋超嫩滑又濃郁蛋味，好正。烤蕃茄也增加燒烤香味，廚師有heart，忌廉烤薯仔好香好creamy，配少少蕃汁焗豆，好飽肚。餐湯係薯仔忌廉湯，好滑溜好有薯仔味，忌廉令個湯更滑更濃，而且飲完唔膩，又不會太飽。慢慢食左一個鐘，服務員會留意我地進食速度，見我地差唔多停手，食完沙律、前菜類，就上主菜。香煎左口魚柳配
放假當然要放鬆下，約朋友去嘆Brunch，慢慢傾都得，仲要有靚景睇，位於23樓頂層，飽覽繁華大廈高樓與背後山水風景，好悠閒寫意。
臨近聖誕，餐廳仲有聖誕裝飾，好有氣氛。特別要讚餐廳服務很好很貼心，上菜同收碟、添水……都很勤快，又有禮貌。
半自助早午餐 $98/位，可任食前茶、沙律、甜品等等，可加錢選擇7款不同主菜，會包一杯茶/咖啡，也可加錢要升級飲品。
沙律款式唔算多，但就精緻美味，除了自由配搭材料，仲有數款調配好的，也有火腿等選擇，而且refill的是不同款沙律，有新意唔會悶，仲驚喜架。
其中的水牛芝士蕃茄沙律，就非常吸引，賣相美觀。水牛芝士清新輕盈，有奶香又嫩滑的口感，配清新蕃茄同醋汁，好開胃美味。
另外，有滑蛋、烤蕃茄、麵包、煙肉……自由組合豐富的all day breakfast 都得，滑蛋超嫩滑又濃郁蛋味，好正。烤蕃茄也增加燒烤香味，廚師有heart，忌廉烤薯仔好香好creamy，配少少蕃汁焗豆，好飽肚。
餐湯係薯仔忌廉湯，好滑溜好有薯仔味，忌廉令個湯更滑更濃，而且飲完唔膩，又不會太飽。
慢慢食左一個鐘，服務員會留意我地進食速度，見我地差唔多停手，食完沙律、前菜類，就上主菜。
香煎左口魚柳配香草忌廉汁 $128，擺盤精美有心思。
魚皮好香脆，魚肉細膩，十分嫩滑濕潤，配香草忌廉汁，更香更滑，微微咸的調味食出原味。
薯蓉也很細滑，配菜炒香，口感爽脆，估唔到主菜都好出色。
甜品也會refill 不同款，所以越坐越耐，不停咁食，而且甜品細細件，可以食多幾款都得。
最後揀左升級飲品 latte，心心拉花好靚，令人心情大好，奶泡細密豐盈，咖啡香濃滑溜，味道好好，配甜品一流。
朱古力慕絲蛋糕超濃郁朱古力味，質感細滑如朱古力，入口化開，齒頰留香。麵包布甸也很受歡迎，面層焗脆，內裡軟綿綿好重蛋香。朱古力布朗尼蛋糕，看似扎實入口鬆化，濃香黑朱古力味，也很多食幾件。忌廉泡夫好有空氣感，忌廉凍凍地又滑又綿，好輕盈清新口感。
生果有3款，西瓜多汁清甜，蜜瓜爽脆香甜，菠蘿用新鮮的，也很甜很多汁，仲好有果香。
非常滿足的一餐，服務好，環境舒服，個景又靚，食物質素高，價錢合理，全部都好滿意。
張貼
