影片
更多
2018-06-03
3501 瀏覽
收到半價自助餐優惠券，就嚟試下佢嘅自助餐，當然嚟之前都做過少許功課，口碑好似都唔錯。食物款式以午餐嚟講算唔少，海鮮冷盤，刺身，壽司，熱盤，牛扒，沙津，湯麵，雪糕等.....都可以算話滿足到男女老幼嘅口味。海鮮冷盤有青口，東風螺，麵包蟹，龍蝦，另每款都有相對嘅醬汁同檸檬可供選擇。但要揀到靚嘅就要等佢refill，好多次我都係見畀人揀剩嘅。刺身同壽司嘅選擇都唔少，亦都擺得幾特別，試咗啲刺身，發現好唔夠凍，加上師傅不停將新砌好嘅放面，置底嘅可能會放咗好耐，我唔敢再試，好彩食完都冇事。湯麵嘅配料都唔少，即叫即煮，同其他酒店類似。熱盤方面都唔少選擇，只係就唔見有名貴嘅菜式，即砌嘅有燒雞同牛柳，都滿足到唔食冷盤嘅人嘅需要。聲稱係燒雞，但似油雞多啲......甜品方面有蛋糕，甜品杯，雪糕，但就唔係款款吸引，有款就唔吸引到我經過幾次都冇乜人拎過，見個朱古力面都出哂水珠。雪糕係Movenpick，算唔錯，有兩款雪芭＋朱古力＋呍呢嗱共四款口味，旁邊亦有唔同配料。奇怪在好似唔多人要雪糕，負責人serve嗰個人好得閒不停整定一球一球嘅雪糕.....整體嚟講係有啲失望，款式算少，但極少refill，好彩有半會優
食物款式以午餐嚟講算唔少，海鮮冷盤，刺身，壽司，熱盤，牛扒，沙津，湯麵，雪糕等.....都可以算話滿足到男女老幼嘅口味。
海鮮冷盤有青口，東風螺，麵包蟹，龍蝦，另每款都有相對嘅醬汁同檸檬可供選擇。但要揀到靚嘅就要等佢refill，好多次我都係見畀人揀剩嘅。
刺身同壽司嘅選擇都唔少，亦都擺得幾特別，試咗啲刺身，發現好唔夠凍，加上師傅不停將新砌好嘅放面，置底嘅可能會放咗好耐，我唔敢再試，好彩食完都冇事。
湯麵嘅配料都唔少，即叫即煮，同其他酒店類似。
熱盤方面都唔少選擇，只係就唔見有名貴嘅菜式，即砌嘅有燒雞同牛柳，都滿足到唔食冷盤嘅人嘅需要。
聲稱係燒雞，但似油雞多啲......
甜品方面有蛋糕，甜品杯，雪糕，但就唔係款款吸引，有款就唔吸引到我經過幾次都冇乜人拎過，見個朱古力面都出哂水珠。
雪糕係Movenpick，算唔錯，有兩款雪芭＋朱古力＋呍呢嗱共四款口味，旁邊亦有唔同配料。奇怪在好似唔多人要雪糕，負責人serve嗰個人好得閒不停整定一球一球嘅雪糕.....
整體嚟講係有啲失望，款式算少，但極少refill，好彩有半會優惠，同埋致在佢望到個靚景，否則......
張貼
