富士山媽媽 (已結業)

說好去的日本今年無望啦，去山頂富士山媽媽餐廳都好啦~聽住經典日語歌，品嚐日本美食，歎住杯凍飲，欣賞維港景色，chill下食下都好有mood的~Rock'n Roll系列的鰻魚龍卷 $118牛油果入口即溶，鰻魚軟腍，飯粒圓潤捲得扎實，醮下沙律汁，一啖一口相當美味。炸餃子配柚子醋 $45餃子以竹籤吉住賣相討好，餃皮脆薄肉餡鮮美唔油膩，好食。炸牛蒡 $45薄片炸牛蒡似食薯片一樣口感香脆，欣賞眼前美景慢慢歎，口痕心食之選。叉燒拉麵 $98秘製豬骨湯底味濃，拉麵口感煙韌好掛汁，叉燒好嚼口，水準唔錯。菠蘿的海 $88清甜可口，凍飲涼透心，炎炎夏日最啱飲。