食之劇場餐廳 (已結業)

食之劇場係一間高級鮨店，好耐之前已經聽同事講過話正，趁而家天氣熱行唔倒山，就搵左個周末入黎西貢行下順便食下。食之劇場喺白沙灣碼頭酒店入面，冇車朋友都可以搭巴士/小巴喺白沙灣站落，行過黎都係3分鐘。餐廳就對正白沙灣。店面空間感十足，除左有曲尺形壽司吧枱之外，仲有幾個廂房。如果想睇倒醉人日落，最好就坐返吧枱。白神山地之水($58/樽) - 食之劇場嘅飲用水、煎茶全部都係用白神山地之水，佢係由白神山嘅雨水，雜質都被森林入面嘅土壤過慮而得黎純淨水，咁犀利我地就點黎試下，飲落味道確係比較冰涼同甘甜。食之劇場嘅廚師發辦分左四個價位，我地點左最平嘅套餐—雲($980/位)，佢包左前菜、刺身、燒物、煮物、湯同甜品。前菜 - 前菜有四款，可以先食左邊嘅鯛魚白子，佢浸喺酸汁入面，好開胃完全唔腥。之後可以食上面嘅昆布鮑魚，鮑魚彈口得反唔會太韌。再之後就可以食右邊嘅蓮藕拌蟹肉，師傅將蓮藕磨成蓉，再拌埋蟹肉，味道非常清新。最後就可以食下面嘅磯粒貝，粒貝已經預先起肉，所以就咁拎起就食得。旁邊嘅係柚子番茄。刺身 - 刺身有四款，右上方係小樽產嘅八爪魚，有咬口又唔會又韌。前面係北海道產嘅帆立貝，非常厚切口感微彈。左前