CANELE (裝修中)

餐廳位於中環蘭桂芳，分上下層，上層可以係露台望住街景食晚餐。食飽之後就可以落下層酒吧度摸下酒杯底傾下計輕鬆下～🥖Bread熱焫焫既酸種麵包，搣開時仲出緊煙，外樣脆卜卜入面就好煙韌。🥗Canelé Appetizer Platter有ham、煙三文魚、蟹肉雲吞同紅菜頭沙律。其中最出色既就係蟹肉雲吞，脆卜卜既炸雲吞皮配上鮮甜既蟹肉，口感同味道都好豐富～🥩Angus Tenderloin 80z（$388)重10安士的烤美國黑安格斯西冷牛扒，外面煎到有微微既焦香味，入口完全唔韌之餘仲保留到肉汁，而且窄身厚切令口感更加豐富～🦞Lobster（$428）餐廳選用原隻美國緬因州龍蝦開邊，比起一般龍蝦肉質更爽彈，而且煮到岩岩好熟，令味道更鮮甜另外薯條同配菜都可以無限添食，岩哂我呢d大胃王～🍫Souffle（$88）選用72% Valrhona黑朱古力製成，最鍾意佢除左有陣朱古力獨有既苦味，唔會一味死甜👍🍰Cheese Cake($48)質地幼滑，充滿芝士香味之餘，仲有淡淡清新既檸檬酸味，可以中和芝士既飽膩感🍸CHILD MEMORY（$128）椰奶、斑蘭再加上冧酒做基地，入口同斑蘭蛋糕既味道好似🍹P