海都酒家

營業中

休息中

屋企人今日咁啱起身話想飲茶，上網搵吓就見到有呢一間茶樓，好多人都話佢個景好靚，所以我哋就去試吓！反正咁近屋企！我哋去到好快就有位，等候時間都唔係太長，我哋都安排到見到海景嘅位置，侍應都非常貼心 一嚟到就問我哋要咩茶比較推介嘅食物，有佢嘅鮮蝦腸粉，腸粉做到皮薄餡靚嘅效果！每一隻鮮蝦都有爽口彈牙嘅感覺，呢個位值得加分！品味配搭上極都做得唔錯！ 我個人嚟講就比較鍾意食佢嘅馬拉糕，覺得佢嘅味道非常傳統，同埋咬落去好鬆化，仲要熱辣辣！甜品嚟講簡直係一流！總括用餐過程愉快，有機會會返嚟幫襯