影片
更多
2022-07-19
91 瀏覽
最近真係食omakase食上癮😌上星期去左呢間鮨真食lunch，一見到個bar枱位已經覺得好靚🥰大玻璃加埋藍天，個景咁正得唔得架？見到咁樣我心情都愉快左🙃而當日安排既野食都好岩我地食，仲試左幾款新既魚。每款野食師傅講解都好仔細，侍應態度又親切👍🏻🍣Lunch Omakase Course $880六種刺身 | 六種壽司 | 一種和食前菜 :✨沖繩水雲 最近食omakase幾乎前菜都會有沖繩水雲。食落滑捊捊，加左青瓜同蕃茄好清新，涼浸浸既感覺，夏天食岩曬👍🏻✨白子蒸蛋第一次食白子，其實之前都無諗過試，因為它係魚類睪丸，聽個名都驚驚地😅但食落無乜味，口感仲好creamy！加埋好滑好香既蒸蛋同埋滿滿既蟹肉，正👍🏻刺身 : ✨依佐木 呢款魚適宜薄切，因魚味較淡，所以配埋個酸汁一齊食。酸汁加左蘿蔔蓉，蔥同埋我好鍾意又好香既紫蘇花>>>✨平政魚魚皮位食落爽爽地，魚身油份多食落腍腍地，口感有層次，落左柚子胡椒辣辣地。除左紫蘇之外柚子胡椒係我另一最愛✨太刀魚係香港既帶魚，火炙過食落香口。加埋青檸汁同竹炭鹽可帶出鮮味>>>✨北海道手撕鮮帶子 帶子鮮味十足，
上星期去左呢間鮨真食lunch，一見到個bar枱位已經覺得好靚🥰
大玻璃加埋藍天，個景咁正得唔得架？
見到咁樣我心情都愉快左🙃
而當日安排既野食都好岩我地食，仲試左幾款新既魚。每款野食師傅講解都好仔細，侍應態度又親切👍🏻
🍣Lunch Omakase Course $880
六種刺身 | 六種壽司 | 一種和食
前菜 :
✨沖繩水雲
最近食omakase幾乎前菜都會有沖繩水雲。食落滑捊捊，加左青瓜同蕃茄好清新，涼浸浸既感覺，夏天食岩曬👍🏻
✨白子蒸蛋第一次食白子，其實之前都無諗過試，因為它係魚類睪丸，聽個名都驚驚地😅但食落無乜味，口感仲好creamy！加埋好滑好香既蒸蛋同埋滿滿既蟹肉，正👍🏻
刺身 :
✨依佐木
呢款魚適宜薄切，因魚味較淡，所以配埋個酸汁一齊食。酸汁加左蘿蔔蓉，蔥同埋我好鍾意又好香既紫蘇花
>>>
✨平政魚
魚皮位食落爽爽地，魚身油份多食落腍腍地，口感有層次，落左柚子胡椒辣辣地。除左紫蘇之外柚子胡椒係我另一最愛
✨太刀魚
係香港既帶魚，火炙過食落香口。加埋青檸汁同竹炭鹽可帶出鮮味
>>>
✨北海道手撕鮮帶子
帶子鮮味十足，新鮮到係見到一絲絲纖維架。有口感，面頭撒上淡雪鹽，係一種睇落好似雪但又唔咸既鹽。
✨小池魚
平時食開啲小池魚都係炸既當前菜食多，第一次食刺身。肉身幾腍，落左薑，醬漬蔥同白芝麻，食落完全無腥味
>>>
✨青森縣大間野生中拖羅+大拖羅
話說最靚既拖羅都係青森縣出產既，連好出名既日本一都係用青森縣既吞拿魚。
野生既吞拿魚因為運動量高所以食落肉質會較實身 ，筋多啲，味偏濃。好簡單上面放個wasabi漬已經好好味🤤
熟食 :
✨鹽燒舵魚
呢款魚係打完風先會捉到既魚，真係好seasonal😂前排先打完風。食落香口多肉無乜骨。
壽司 :
✨深海池魚
食omakase成日都見到佢，肉質厚得黎鮮嫩肥美
>>>
✨地金目鯛
金目鯛食得多，地金目鯛第一次食。
原來係要指定海域漁師所釣既先可以叫做地金目鯛。係金目鯛中最頂級架！脂肪豐厚，油脂分佈均勻，好肥美鮮甜
✨春子鯛
即係鯛魚BB，肉質好柔嫩，加埋烏漁籽，食落咸咸香香
>>>
✨梭子魚
火炙過好香，油脂爆曬出黎！肉質較綿身，配埋我好鍾意既柚子胡椒 perfect🤤
✨赤鯥魚
輕輕火炙過散發出焦香味，油分重，食落好腍
>>>
✨鹽水海膽
返貨果陣用鹽水浸住，無落防腐劑 ，超清新鮮甜
✨麵豉湯 | 開心果雪糕 | 朱古力曲奇雪糕
張貼
