影片
更多
2024-03-07
64 瀏覽
行開海港城想揾間海景餐廳，行到玩具反斗城旁邊見一間日系可愛風嘅餐廳Ohayo，店內裝修白色配搭淺色木傢具，環境清新舒服，各式座位都有，卡位、梳化位、窗口Bar台位同埋最有特色嘅水泥台座位，喺度食嘢打卡真係有啲少女心爆發。不過作為一間食店，食物質素先係重點，今晩order左兩set晚餐！ 是日餐湯 - 蕃茄湯蕃茄湯除左蕃茄之外，應該仲有好多其他蔬菜打碎一齊煮成，口感細滑香濃，足料之作。 香煎刺身帶子鮮茄意粉兩粒香煎大帶子，微微過熟。意粉口感夠彈牙適中，以蕃茄粒拌炒，酸酸甜甜，整體感覺清新不膩，味道唔濃，適合女仔選擇。不過唔好睇少個份量，絕對夠飽。 燒烤醬醬燒牛肋條漢堡漢堡配埋沙律菜同薯條，沙律菜已預先用黑醋同橄欖油混合左，唔會太酸，菜嘅款色都豐富。薯條係原個薯仔切條果款，口感實在香脆，中規中矩。主角嘅牛肋條漢堡對於食肉獸呢講真係大滿足，面包中間有三大塊牛肋條，配以唔太濃味嘅燒烤醬，唔會蓋過牛肋本身嘅味道，另外配料有煙肉、炒洋蔥、生菜同醃黃瓜，大大份絕對滿足。 整體呢講，食物質素不錯而且份量很足夠，今日太飽冇叫到甜品，呢度有好多唔同甜品選擇，下次呢一定要留肚試多幾款。同埋如果早啲食，坐喺窗
是日餐湯 - 蕃茄湯
蕃茄湯除左蕃茄之外，應該仲有好多其他蔬菜打碎一齊煮成，口感細滑香濃，足料之作。
香煎刺身帶子鮮茄意粉
兩粒香煎大帶子，微微過熟。意粉口感夠彈牙適中，以蕃茄粒拌炒，酸酸甜甜，整體感覺清新不膩，味道唔濃，適合女仔選擇。不過唔好睇少個份量，絕對夠飽。
燒烤醬醬燒牛肋條漢堡
漢堡配埋沙律菜同薯條，沙律菜已預先用黑醋同橄欖油混合左，唔會太酸，菜嘅款色都豐富。
薯條係原個薯仔切條果款，口感實在香脆，中規中矩。主角嘅牛肋條漢堡對於食肉獸呢講真係大滿足，面包中間有三大塊牛肋條，配以唔太濃味嘅燒烤醬，唔會蓋過牛肋本身嘅味道，另外配料有煙肉、炒洋蔥、生菜同醃黃瓜，大大份絕對滿足。
整體呢講，食物質素不錯而且份量很足夠，今日太飽冇叫到甜品，呢度有好多唔同甜品選擇，下次呢一定要留肚試多幾款。同埋如果早啲食，坐喺窗邊對海Bar台位欣賞住日落維海景呢食飯真係抵哂架！
張貼
