湯直送 (已結業)

「世上只有媽媽好，靚湯只有家中有」🥺當然最好就係咁啦！不過都市人生活繁忙，唔係個個都有時間煲湯，呢間餐廳就岩哂喇，可以堂食飲湯食飯，仲有得外賣，自取又得，送上門都得，仲24小時添。今日親身試2款湯冬瓜薏米瑤柱燉唐排$55好清甜嘅味道，薏米煲到腍哂，仲有大粒瑤柱，唐排亦肥瘦適中，唔會鞋，仲好香，亦唔會浮起肥油，湯渣完全適合食用花膠瑤柱燉雞$128真係好多花膠！花膠每塊都有手板厚，一共有四五塊，筷子夾上黎都，感覺到有幾墜手。海味加埋好鮮，配合雞肉，好滋補，飲完亦唔會口渴，真正真材實料店面好靚景觀又開揚，外賣嘅落單方式亦都好照顧到我哋嘅需要，可以用app，與時並進，岩哂都市人。坐左係度一個鐘d外賣單無停過手，質量有一定保証！