BnR

營業中

休息中

[📍九龍灣｜BnR ]係Megabox行完街要搵啲野食，見到有間新派既餐廳，主打湯麵，撈麵同埋蒸飯，咁多選擇一於試下先。見到個menu又想試叻沙，又想試吓個蒸飯，又想試吓個雞飯，真係好難揀。最後決定叫個叻沙牛仔湯麵，天氣熱熱地就叫多個凍盤小食，海哲手撕雞，飲品叫咗椰汁爆珠紅豆冰。叻沙湯底好濃厚，而且有得揀淮山麵，淮山面爽口彈牙，又勁掛汁，塊脆脆同豆卜入哂味好正，牛仔嘅意思係牛肉片同埋牛丸，同叻沙湯底好夾。海哲手撕雞估唔到佢份量咁多，凍食令到啲雞肉更加結實，而且海蜇都會切到細細粒，雞肉加海蜇一啖食又唔同嘅口感。飲品呢個真係要試吓，椰汁就正常，佢嘅爆珠紅豆非常之特別，咬落去真係會爆汁，而且幾爽口，有啲似三文魚子，但係入邊仲有粒紅豆。幾特別值得一試。行到攰攰地想食間新派麵食，BnR係一個好選擇。