影片
更多
2021-11-04
120 瀏覽
呢一間經過杜汶澤網台嘅介紹之後，人氣係keep住嘅，所以每一次午餐嘅時間都總會有人等位，所以我哋今次都係揀咗外賣。手剁香煎蓮藕餅飯 （$49）蓮藕餅厚身，煎得香脆之餘又唔會過燶，入口食到爽脆嘅蓮藕，豬肉肥瘦適中，咬落爽口彈牙。配埋蔥油同雪菜，幾下就掃晒成盒飯。盒飯仲有蕃茄仔，食完之後啪返粒唔錯😌鐵板豬扒炒烏冬 （$49）呢個係超級邪惡嘅組合，為咗減低罪惡咁，我已經由炒公仔麵轉咗做烏冬。就算外賣返到公司都依然熱辣辣，烏冬炒得乾身，醬油均勻夠惹味。豬扒係招牌菜，肉質軟腍又醃得夠晒入味老火湯要飯嘅話，係會送一碗細嘅老火湯，今日係合掌瓜湯，飲得出湯嘅鮮甜同冇味精，因為食完飯之後完全冇口渴嘅感覺。招牌豬扒（$19）香茅雞翼（$29/3隻）同事就算帶咗飯，見我哋叫閨家，都話想加餸，咁你就知道佢嘅小食其實幾有吸引力啦😂香茅雞翼係重香茅味。兩款小食都有雪菜做配菜，用嚟加餸送飯一流。總結：咁嘅價錢，叫飯有埋湯係超抵食仲要好高質
手剁香煎蓮藕餅飯 （$49）
蓮藕餅厚身，煎得香脆之餘又唔會過燶，入口食到爽脆嘅蓮藕，豬肉肥瘦適中，咬落爽口彈牙。配埋蔥油同雪菜，幾下就掃晒成盒飯。盒飯仲有蕃茄仔，食完之後啪返粒唔錯😌
4 瀏覽
0 讚好
0 留言
鐵板豬扒炒烏冬 （$49）
呢個係超級邪惡嘅組合，為咗減低罪惡咁，我已經由炒公仔麵轉咗做烏冬。就算外賣返到公司都依然熱辣辣，烏冬炒得乾身，醬油均勻夠惹味。豬扒係招牌菜，肉質軟腍又醃得夠晒入味
老火湯
要飯嘅話，係會送一碗細嘅老火湯，今日係合掌瓜湯，飲得出湯嘅鮮甜同冇味精，因為食完飯之後完全冇口渴嘅感覺。
招牌豬扒（$19）香茅雞翼（$29/3隻）
同事就算帶咗飯，見我哋叫閨家，都話想加餸，咁你就知道佢嘅小食其實幾有吸引力啦😂
香茅雞翼係重香茅味。兩款小食都有雪菜做配菜，用嚟加餸送飯一流。
總結：咁嘅價錢，叫飯有埋湯係超抵食仲要好高質
張貼
