靚煲皇 (已結業)

打邊爐最緊要個煲同湯底，一直想到靚煲皇打邊爐，原因係佢地嘅湯底好出色。呢晚再黎翻尋味！位於旺角，由港鐵站行大約5分鐘便可到，店子小夠地道自在舒適。首先點左呢度招牌湯底，靚煲皇$268，材料包括蝦干，吊片，扇貝，豬骨，軟骨，粟米，聽到都覺得會特別鮮味。手切肥牛 （大）$338本地手切牛，牛的部位色澤好鮮明，粉嫩紅色，脂肪比例平均，一看就知道高質素，切的厚薄剛好 輕輕一灼，肉質軟嫩，肉味甚濃，沒有雪藏味，本地鮮牛的一大過人之處。個人推介！黑松露墨魚丸 $88墨魚丸十分彈牙爽口，手打的樣子，滲出香濃黑松露獨特香味，令整個味道生色不少。新鮮生蠔 $98好大隻肥厚飽滿的生蠔，脹卜卜，是新鮮貨色，比美國生蠔鮮味得多，完全沒有腥味，吸收左湯底鮮味添增。鮮蝦雲吞/韮菜餃 雙拼$68手製雲吞用左新鮮海蝦 令味道更鮮味，餡料足料夠飽滿。而韮菜餃有濃厚韮菜香，兩款都足料夠誠意！生猛海蝦 $78想不到用的海鮮都寧舍鮮，實肉爽彈甜美，上盛食材食得稱心。野菜菜籃 $68有數款新鮮蔬菜，生菜，白菜，菠菜，油麥菜，夠鮮翠綠。響鈴 $48亦是即叫即製，響鈴層次夠多，脆炸香口，灼一灼就食得，沒有油膩感，真係會食到唔停口。