Vista

營業中

休息中

男朋友今日帶咗我去食晚餐，我哋大約七點入座，咁啱天色仲好光，有黃昏靚景，喺窗口位睇住日落慢慢退下，維多利亞港嘅夜景同埋幻彩詠香江好吸引，食物亦都係高質素，會再回訪。意式生牛肉他他侍應喺廚房攞出一個木製大盤，喺我哋面前放入各種香料以及生牛肉攪拌，即場炮製即場serve，味道新鮮，各種香料相得益彰，配上嘅自家製米紙又薄又脆。烤八爪魚配萵苣、煙肉、西柚及油封薯仔西柚以及八爪魚嘅配搭非常清爽，切成半圓形嘅薯仔以及萵苣新鮮，整體嚟講都幾特別。澳洲肉眼牛扒伴紅酒汁我哋叫咗medium rare，可以從顏色睇得出生熟程度啱啱好，肉汁豐富而且一啲都唔韌，紅酒汁不會太鹹，又提供到一點風味，出品好過唔少牛扒餐廳，真係有驚喜，值得一試。我哋仲嗌咗pizza以及兩杯Cocktail，以及一個pizza都好好食，Cocktail打卡一流。整體嚟講食物水平甚高，而且上菜亦都好有儀式感，啱晒情侶嚟拍拖打卡，或者想一邊嘆西餐，一邊睇維港夜景嘅人。