名捌月 (已結業)

今日去咗荃灣做嘢，所以就約咗住喺荃灣嘅朋友一齊食晚飯。朋友知我鍾意食牛，就帶咗我嚟呢間名捌月鋸扒。 先講環境，位置不多，但乾淨企理有格調。我地每人都加咗錢配埋餐湯同飲品。餐湯我就叫咗牛油果蜆湯，雖然比較creamy，但因為有牛油果，反而唔覺膩，而係有種清新嘅感覺。而朋友叫嘅蟹肉野菌湯。至於牛扒，我就嗌咗七成熟嘅8oz日本霜降西冷牛扒。 8oz對我來講，size啱啱好，煎得都恰到好處，一啲都唔韌，食落亦唔覺有雪味，處理得唔錯。雖然有黑椒汁可以點，但係我個人就無點汁食就已非常滿意。而朋友嗌咗五成熟嘅14oz澳洲M6和牛西冷牛扒，夠晒大塊。佢話整體唔錯有肉味。我地都嗌咗份芝士牛油汁焗西蘭花🥦。飲品方面，我叫咗杯水果蜜茶。整體來講，買單$900都唔使，牛扒質素唔可以話數一數二，但係起碼做到冇雪味同煎得恰恰好。