韓牛韓式燒烤 (已結業)

今日同朋友落左旺角食韓燒任食，係創興一樓個邊。呢度啲食物質素幾好，對於鍾意食肉嘅我黎講真係幾正，肉類種類極多，而且係十分靚仔嘅。呢度啲牛肉夠紅，唔會係雪櫃雪左好耐個種。牛仔骨，牛舌都係唔錯，好快熟之餘，牛味同油脂香都係不得了嘅。但後尾發現原來雞肉都唔錯，因為佢嘅調味本身好好，同埋又唔會咁易燒燶。羊架都係好正，雖然要燒耐少少，但係為左美食絕對值得等待。除左燒肉，佢仲有魚生壽司，熟食炸物，雪糕雪條等等可以拎，野飲種類都係多，最緊要佢係有白色可樂，確實唔錯。