相見車仔麵館 (已結業)

港式車仔麵同朋友響旺角TOP商場睇完新組合MATCH誕生之後好肚餓，又唔想響TOP食，向太子方向揾食。招牌相見車仔麵 $99朋友見到依個麵有單點要$24嘅花膠同魚肚（即係加埋．$48），肥牛片，咖啡蛋，豬腸,雞翼加加埋埋$99，依個價算係咁！個咖啡蛋有超濃咖啡味，而且係勁流心的！花膠同魚肚都發得好夠淋而且入味！雞翼有少少香辣嘅味道，幾大隻，個麻辣湯底同河粉幾夾.另一碗係咖喱湯底，而餸竟然有我至愛芝土波波腸，另外有入味嘅豬紅，爽口嘅豬皮，同佢地推介嘅腐皮，腐皮有香濃嘅豆味同富口感，粗麵爽口彈牙，唔會太淋，怕油嘅唔想點河粉嘅，可以揀粗麵。飲品除左有汽水之餘，仲有不同既冷泡茶同星空藍寶石撞荳奶都幾特別，冷泡人參烏龍茶，好甘香，加上淡淡茶香，沖淡了車仔麵嘅咸味。