大三元 (已結業)

今日去開天后見客，早咗見完客。諗住去食個下午茶，行行吓見到有間新開的冰室，就去試試，因為店舖都裝修得好靚，入入到去見到裝修擺設咗不少糧油雜貨，我估老闆係從事糧油雜貨批發，點知問吓店員，原來唔係，我食咗個香草雞髀加西多士。香草雞髀好特別，而且即叫即炸，十分好食。我食咗個西多士先，之後就食唔落隻雞髀，所以打包了雞髀。海南雞都好好食，最特別唔係隻海南雞，而係佢整啲自家醬汁，配搭海南街非常美味。臨走時同店員傾兩句，點知原來佢係老闆之一，佢話之前是幫大集團開冰室，怪不得食物有保證。而家自己同幾個拍拖出嚟開，小本經營，值得支持👍