ATUM Restaurant (已結業)

之前媽咪生日, 特登book 咗 ❥⧽𝐀𝐓𝐔𝐌 𝐫𝐞𝐬𝐭𝐚𝐮𝐫𝐚𝐧𝐭 ❥⧽同佢去食港女 tea 🤭。Book 位時已經講咗想坐窗邊位, 但係好可惜去到都係安排唔到... 𓊈下午茶 High Tea𓊉呢個 tea set 真係好啱打卡, 見到已經令人好開心, 視角上大滿足。味道方面就普普通通, 有幾粒食完都唔知係咩, 如果有個小簡介就好喇。𓊈火炙帶子 ✧ 紫薑 ✧ 醃漬蔬菜 ✧ 墨魚汁飯𓊉呢個墨魚汁飯好靚呀, 有少少比佢驚艷到, 帶子新鮮肉厚, 個飯軟硬度適中, 墨魚汁味濃, 好好食!𓊈炸甜番薯條 ✧ 檸檬蜜糖醬𓊉番薯條感覺比較溫和, 食落好似無咁熱氣(自己呃自己), 個檸檬蜜糖醬好好食, 甜甜地但係好清新!𓊈烤椰菜花 ✧ 松露忌廉芝士𓊉本身有少少期待, 不過賣相同味道都一般, 椰菜花口感同忌廉芝士唔算太夾。𓊈竹炭鮮奶咖啡𓊉諗住試吓d 新奇特別嘅嘢飲, 所以試吓竹炭咖啡, 結果係幾特別, 好重竹炭味, 不過有少少蓋過咗咖啡嘅味道。✧✧ 整體食物都好適合打卡, 如果去開K11 行街而又未試過呢間餐廳都可以試吓。