J.moon

想同三五知己係一個西餐廳到慢慢享用美食依家係一個唔錯嘅選擇我首先叫咗一份牛舌作為小食。烤牛舌再配上香料豐富嘅娘惹咖喱同大量嘅芝士，口感豐富。主食方面，我分別叫咗一份意粉同埋燉飯。我叫咗份生蠔辣肉腸意粉，好Creamy，帶出咗意式風味同獨特嘅香辣味道。另外，我叫左一份三文魚子意大利飯配海膽醬汁，散發出海鮮嘅鮮味，好入味。最後，唔少得飲品嘅選擇。如果想飲酒嘅話就可以試吓佢哋嘅Cocktail但係我同朋友唔想咁醉，所以就叫咗個Mocktail，我哋分別叫咗一杯Andromeda同Phoenix。兩杯都好靚，好適合打卡，但我個人更喜愛Phoenix，因為佢上層有一層甜甜地嘅泡沫，而下層有酸酸甜甜嘅菠蘿汁。