心夜來潮 (已結業)

琴日黎到旺角搵左間食粥既打冷檔，想黎食番個靚粥。潮汕砂鍋粥 「蟹+蝦粥」 (細)$180好大煲呀，一人食左4,5碗，好飽。入面啲蟹好新鮮，仲有膏添😋。蝦都好彈好新鮮，2個加埋啲粥好鮮甜。啲粥綿綿地，好正🤩薑酒啫芥蘭$72勁香，帶有小小酒味，啲菜好爽口，而且翠綠。用左小小蒜同辣椒炒，好好食。薑蔥啫啫田雞$90用薑蔥加蔥頭炒，爆得好香，而且田雞份量好足。肉質結實，份量都好食，食極都仲有😂蒜蓉粉絲蒸扇貝$42@1好大隻，而且洗得好乾淨，一啲沙都無。好鮮甜新鮮，粉絲吸晒啲汁，係精華呀😍。