靚煲皇 (已結業)

今日來到靚煲皇 小菜坊，一睇個店名，差唔多就可以估到尼度係打邊爐，同埋可以炒菜食嘅地方，唔係普通嘅炒菜食喔，可以話係私家菜嘅小菜坊啦！不過今次我地食嘅係邊爐。一睇菜單，好多選擇，好多想食，但係點唔多咁多，食唔曬。咁首先我想著重講一講個湯底啦，沖個湯底來講就係個值得一食嘅地方；我地點左個藥膳湯底，首先，藥材量係我食過咁多間火鍋店最足量嘅一間；其次，當歸加黃芪，尼個係一味補氣益血嘅中藥湯，以氣生血；睇得出，湯底好養生，對女生特別好。咁我地仲點左雞肉、牛肉、牛百葉同一份娃娃菜，量真係多，食得好飽。可以睇出肉質非常新鮮。特別係娃娃菜，好多時候我會覺得一間店嘅食材新唔新鮮就睇菜，因為菜好容易變壞，如果一間餐廳上嘅菜係新鮮無爛等一滴問題都無嘅，證明尼間餐廳嘅食材係值得放心去食嘅；好明顯，我地點嘅娃娃菜，好新鮮好乾淨；店員嘅服務態度非常好，如果想食藥膳火鍋，靚煲皇小菜坊值得係你嘅首選，夠曬養生夠曬味。