Lava Java 咖啡西餐廳 (已結業)

清新，簡潔又舒適嘅裝修，行入去有種自在嘅感覺。平時我最鍾意嚟呢度就係嘆番一杯野飲，呢杯嘢飲唔一定要係咖啡，可以係唔同種類嘅特飲。呢度好出名嘅就係有龍貓樣嘅咖啡，又或者有三眼仔嘅咖啡。全部都係有一位靚女調出嚟嘅，密密見佢喺架咖啡機前努力，為一杯令人滿意嘅飲品而努力。今日就揀咗兩杯咁又靚又好飲嘅嘢飲，一杯就係鮮奶咖啡，咖啡看似好似好普通咁樣，但係佢呢一個就加左玫瑰花嘅花瓣，令到除咗有咖啡味之外仲增添幾分玫瑰嘅味道，非常之特別，清新。另一杯就係抹茶鮮奶雪糕飲品，佢嘅抹茶同出面嗰啲唔同，係另外用個杯上嘅。佢烘培出嚟嘅綠茶好甘，加埋落個鮮奶到，初初飲嘅時候茶會味龍，但係內阻雪糕溶咗有份甜味嘅感覺出嚟，有多種層次的享受。除咗飲品之外，食品都係非常之唔錯。我特別就鍾意呢度嘅包類，今日就係煙三文魚牛角包，香脆嘅牛角包加煙燻嘅三文魚，再配埋洋蔥，好味。另外一個就叫咗芝士龍脷柳意粉，唔好見佢個意粉好似白雪雪冇調味，但食落又有味道喎，就咁食都唔錯。個芝士龍脷柳又夠哂滑，不錯不錯。