White Hse. (已結業)

啱晒一班靚女嚟打卡嘅Cafe🌹🌸🌼🌻白房子成間Cafe都係用花去設計 絕對係特別日子同閨蜜或者同摯愛你慶祝特別日子嘅推介好選擇 叫咗個金箔黑松露汁雜菌蝴蝶粉 花若盛開 蝴蝶自來 呢個蝴蝶粉襯晒成個花園theme 仲有金箔非常有氣派 薄薄嘅金箔佈滿喺碟上 入口每一啖都好creamy 又有黑松露同雜菌嘅味道添松露味都唔會太腸同意粉嘅味道好Balance另外仲叫咗個青咖喱飯 呢個真係好好食😋因為無諗過佢做到正宗泰國咖喱嘅味道同時都保留意大利飯嘅質感 超誇張好有fusion菜感覺 仲加咗啲沙律菜做點綴同埋炒埋啲雜菇 成件事再升華咗！飲品方面超鍾意個曲奇杯 係佢哋精心嘅傑作 而家提倡環保♻️邊飲牛奶邊食曲奇 連個杯都可以食埋真係別出心裁👍👍另外蝶豆花嘅特飲顏色已經勝人一籌 漸變色嘅效果 蝶豆花仲有護眼嘅成份 多飲有益 紫色又夠晒浪漫💕 紫色飲品加金箔意粉真係紫醉金迷😻😻最後當然瘋狂打埋卡先走啦 📷