完美咖啡室 (已結業)

有時去甜品店或者cafe唔係為左食野，都係想搵個地方消磨下時間，週日下午茶時間，再次黎到灣仔嘅呢間cafe，係因為未到晚飯時間想hea下。客人唔多，好開心唔洗等位。睇過餐牌後，感覺甜品價錢有略略提高左$5-10，例如上次食過嘅焦糖布丁，由$40變成$45，反而蛋糕嘅價錢差不多，個人認為仍係合理水平，畢竟而家喺邊食件蛋糕都唔平架喇焦糖布丁：蛋香出眾，而且質地滑溜，賣相又唔馬虎。玫瑰黑加侖子蛋糕：蛋糕口感濕潤，獨食一件都唔會乾口，其實質感都似焦糖脆脆嗰款。玫瑰味較含蓄，天然唔假，忌廉滑溜到不得了，下面有薄薄一層蛋糕底，不甜不膩雖然話係黑加侖子夾心，但我就覺得有啲似莓味，酸酸甜甜。加上面頭嘅朱古力花裝飾，真係覺得好靚。食過幾款蛋糕，依然覺得焦糖脆脆最啱我食，價錢又唔貴