Food Combo (已結業)

出發去觀瀾湖玩之前，我同肥🐽決定醫好左肚皮先，廢事上到去要周圍搵野食啦近近地就去左「FOOD COMBO」，離小巴站都只係10分鐘既路程.餐廳裝修以簡約和風為主，面積不大，但都可以容納約三十人。雖然我地係第一枱客，但坐低過不久已有不少客人進入，睇黎十分受歡迎呢.餐牌以套餐形式選擇，共有7款定食，每SET都有沙律，餐湯，生果，小食同西式主料理。每SET既份量都設計得恰到好處，吾會過於飽肚而且講求均衡飲食，呢點真係要大讚! 另外，仲有自助飲品吧，可以隨意添飲。飲品吧提供三款飲品，一熱兩凍，分別係鮮薑紅棗桂圓杞子水，凍薄荷鮮橙水同凍檸檬茶。特別中意杞子水，薑糖味偏重飲落好暖胃，不過就甜左少少.三文魚煎得好有水準，肉質幼嫩又吾乾身，魚皮亦帶黎香脆既口感，再加入少少海鹽同黑椒作調味，令三文魚整體味道得以提升底部仲有綿綿薯蓉同粒粒粟米，既可作配菜又可填肚，不錯炸雞粒咬落酥脆，而且炸粉好薄，表面淋上沙律醬，令人一食愛上.以火箭菜，紅菜頭，紅蘿蔔同黑醋作為沙律。紅菜頭口感似啫哩般滑溜，淋上黑醋，既開胃又健康。.蕃茄湯濃稠度頗高，以鮮蕃茄攪拌而成，味道天然，吾係罐頭開出黎果d最後有西瓜，蜜瓜同無籽提子