喵星球 (已結業)

Weekend嘅時候成日諗同個女應該去邊度玩好， 知道佢一向都好鍾意貓，其他動物就鬼死咁驚， 所以今次專登帶佢過嚟銅鑼灣班樓上貓貓cafe。一上到去好似去playgroup樣都要噴手消毒， 都係㗎，其實人的手好多細菌， 洗乾淨先可以摸貓咪。 收費好簡單，108蚊兩個鐘，包一杯水果茶或者兩杯soft drink。 呢個費用喺銅鑼灣區hea 2hrs 算平。入面坐嘅位置唔多，但係就好多比貓跳躍嘅架， 係一個貓天堂。連個杯都切合貓的主題，好得意。 水蜜桃薑茶內有切粒嘅，天然健康。好多靚猫猫，各有性格，我都係叫囡囡輕摸，有時囡囡見到d 貓咪飲水或者食乾糧都會心微笑，小朋友的滿足就係咁簡單。