Kiss The Tiramisu (已結業)

今日同兩個朋友入左屯門探朋友，探完朋友之後，口痕想食雪糕，所以我地一行三人去左食雪糕。經過門口已經被吸引住，而我地亦眼見到用左個好靚既杯裝雪糕，所以決定入去。而我地就叫左三種口味，一人一杯，又可以試下。香蕉tiramisu軟雪糕：雪糕面淋左香蕉汁係上面，雪糕好軟滑，同香蕉汁一齊食，味道好似韓國既香蕉奶同埋味道好濃郁。而底層有d香蕉乾同cream,香蕉乾細細粒好脆口，由於平時好少食香蕉類既甜品，味道比我想像中好食同有驚喜！士多啤梨tiramisu軟雪糕：雪糕面淋左士多啤梨汁，而中間就有士多啤梨果肉同埋cream,雪糕好軟滑。原味tiramisu 軟雪糕：雪糕上面灑滿香濃既咖啡粉，而中間除左有餅碎同咖啡汁之外，仲有少少酒係入面，真係好似食緊tiramisu咁。