Fratelli Restaurant (已結業)

Fratelli Restaurant (觀塘)同同事喺觀塘返工，同事帶我去食，餐廳闊落舒適，服務員態度超Nice，餐食以漢堡及意粉為主，但係飲品方面有細心位，唔係剩係得汽水，有啲黑糖薑母茶、桂圓紅棗茶等，啱晒養生健康嘅女士。雲朵安格斯堡（黑糖）$75雲朵漢堡整得好靚，發打過嘅雞蛋白，整到一舊雲咁，蛋黃依然流心，麵包仲係黑糖麵包，有少少微甜，漢堡扒好厚身，另外再加蕃茄及生菜，味道好正。香辣蒜片欖油鮮蝦意大利粉$68意粉用蒜香炒，有少少辣，香口開胃，係好食，而且鮮蝦大粒彈牙，仲好新鮮。黑糖薑母茶熱跟餐$10味道甜甜地，有少少薑味，下雨天飲真係唔錯，女士嘅恩物。黑糖陳皮檸檬葉跟餐$10酸酸地，唔會太甜，健康可口。整體而言非常好，意粉好食、漢堡都好好食，係一間食物高水準嘅餐廳，而且地理位置非常方便，亞太中心轉過彎就到，而且價錢大眾化。