雲石小姐 (已搬遷) 新店位置

我同男朋友去咗葵廣，行行下街記得呢到有間呃like一流嘅雲石蛋糕店，於是我就即時拉咗男朋友陪我一齊食！我哋諗咗好耐，最後決定試宇治抹茶牛奶味！等咗大概10分鐘，終於到！身為港女嘅我梗係第一時間影相先，因為真係好靚！原來最出面d雲石係綿花糖可能因為咁，個蛋糕整體偏甜，口感太鬆，味道真係好一般......不過好彩賣相都攞番d分，如果唔係40幾蚊咁嘅味道其實都好唔抵！雖然見佢仲有幾個味，不過見食評都係話偏甜，真係得個外表冇內涵lol 所以都唔會再試堆其他味啦......