木槿花韓牛專門店 (已結業)

香港和牛依家已經相當普遍，但有賣韓牛嘅餐廳真係唔多，而呢間蘇豪嘅木槿花韓牛專門店就係其中最靚最 high class 的 我地三人叫咗個厚切牛扒二人套餐加份單點，因我地唔算大食加上阿媽食得唔多。厚切牛扒餐可選牛柳或肉眼，我地揀咗牛柳，另外有是日稀有部位一款及醃牛肋肉，以及前菜、沙律、湯、白飯、甜品，都相當豐富㗎。先講個牛柳扒，果然一大件厚厚的，肉的顏色鮮嫰，真係好吸引！呢個部位油脂少但軟腍多汁，牛味十分鮮濃，而且厚切更有口感，我們都好喜歡。唯一係幫我地燒嘅服務員將部份燒得過熟，變得乾同實咗少少，有點可惜。套餐的大理石同單點的封門柳，相對多點油脂，尤其封門柳特別豐腴甘香，阿爸笑說有啲似鵝肝味道，不過個人就覺得大理石絕不輸蝕，的油脂比例剛剛好，肉味鮮甜帶點脂香，但又不會太膩，這款很合我心意。至於醃牛肋肉就大家都比較冇咁欣賞，因為調味太重同肉質有點韌，如果係其他原味鮮肉應該會更好。跟住有雪濃湯同白飯，個湯唔係好濃郁嘅牛味，不過浸住珍珠米飯清清地也不錯。最後的甜品係泡芙，職員很貼心地為我們由套餐嘅兩粒變三粒，飯後輕盈的一點甜令人更滿足 總括而言這次用餐經驗非常好，不過如果佢地係續啲續啲幫我地燒