Bluebird Coffee (樂基商業中心) (已結業)

朝頭早未食早餐，又想飲杯咖啡，行下行下見到呢間coffee shop，見間舖好sharp好靚 ，同周圍嘅舖好唔一樣， 咁就入去嘆杯咖啡啦。今個月係聖誕，裏面都佈置得好有聖誕氣氛， 成間舖頭裝飾好有心思，鋪頭細細但係坐落去覺得好舒服，啲枱凳同餐具都襯得好好。我哋嗌咗兩款好唔同嘅咖啡， 一杯latte， 一杯手工咖啡。 杯latte好靚，同個杯碟同匙羹超級襯，咖啡好滑好香，嚟到又唔會好熱我可以即刻飲到， 唔錯唔錯。我試咗一啖手工咖啡，個味道好特別，  好似喺第度未飲過。 咁啱今日呢個時間唔太多人喺度， 慢慢飲下傾下偈真係好寫意好舒服呀， 而且呢度整得咁靚，啱哂女仔啊。