影片
更多
2021-04-26
27 瀏覽
出旺角做野，但下午有一段時間既空檔，又冇咩好行，於是就係登打士廣場選左一間cafe 坐。餐廳環境好大，屬有情調既光線，有D客人玩緊board game，有D睇緊ipad，我都叫左個餐睇住手機慢慢hea。叫左個香草白汁龍利柳螺絲粉配蜜桃紅茶。即叫即整，上菜時店員都有提醒我小心熱，真係連隻碟都好熱，新鮮滾熱辣。 龍利柳外皮炸得超脆，仲差唔多手掌咁大，裡面既魚肉嫩滑同柔軟。醬汁好多，芝士可少少拉絲。望落平平無奇，但份量同味道我覺得都乎合價錢。最緊要係佢唔會趕人走，俾你慢慢做自己野或者玩下board game。蜜桃紅茶比預期中冇咁甜，可能係熱飲既關係，飲落都有紅茶同蜜桃香味，都夠濃唔係水稀稀。雖然宜家有五花八門既打卡café，但人潮太多，好多時都限時。所以如果真係需要hea得耐既，呢類型樓上café 仍然都係一個唔錯既選擇。望下個街景食下野做下自己野，咁就夠鐘去會合返朋友。
餐廳環境好大，屬有情調既光線，有D客人玩緊board game，有D睇緊ipad，我都叫左個餐睇住手機慢慢hea。
叫左個香草白汁龍利柳螺絲粉配蜜桃紅茶。
即叫即整，上菜時店員都有提醒我小心熱，真係連隻碟都好熱，新鮮滾熱辣。 龍利柳外皮炸得超脆，仲差唔多手掌咁大，裡面既魚肉嫩滑同柔軟。醬汁好多，芝士可少少拉絲。望落平平無奇，但份量同味道我覺得都乎合價錢。最緊要係佢唔會趕人走，俾你慢慢做自己野或者玩下board game。
蜜桃紅茶比預期中冇咁甜，可能係熱飲既關係，飲落都有紅茶同蜜桃香味，都夠濃唔係水稀稀。
雖然宜家有五花八門既打卡café，但人潮太多，好多時都限時。所以如果真係需要hea得耐既，呢類型樓上café 仍然都係一個唔錯既選擇。望下個街景食下野做下自己野，咁就夠鐘去會合返朋友。
張貼
