Hoppy Junction

營業中

休息中

午餐搵食貼士:訂咗1315，去到得我同另一枱客。到1330左右約有4至5枱客人。如果即慶食個小組午餐，6至8人，又無訂枱，可以考慮吓。朋友圈內一直說這間有不少高質手工啤，難得老闆唔係辦公室，梗係去試吓啦！結果喜出望外，唔只啤酒好，食物都係高質之選。點咗炸魚薯條，配啤酒一流。份量唔細，有兩條魚柳加一大堆薯條。魚柳外脆內嫩，唔乾仲有魚味，實在拍得住高級餐廳的水準。薯條炸得好脆口，但感覺到唔係無限重炸嗰隻。成個主菜都好好，只係頭盤個湯比較稀，但係諗吓，佢酒吧來的，唔好咁高要求啦！侍應好nice，我點咗杯手工啤，佢主動介紹其他的，仲送咗個sample俾我。之後再問其他酒牌上的啤酒，佢都好樂意回答。