影片
更多
2007-11-30
30 瀏覽
約班舊老友食飯，有人想食中式，因有朋友經常哩呢度食飯，又有VIP卡，就決定呢間！因為唔係Ｄ咩好出名食肆，又唔係咩連鎖集團，又唔係正Ｄ大街度，所以晚市唔多人，靜靜局方便大家傾偈，唔似Ｄ好旺場嘅酒樓咁，真係好嘈吓。散叫都比較貴，好彩佢有Ｄ抵食套餐，我哋5個人，女仔多，所以叫個4人餐- 「皇帝蝦海鮮套餐」（$388），有一客特色小碟、豐料老火湯、極品皇帝蝦（4只）、清蒸海上鮮同兩款自選廚師精選小菜、中式糖水，再要幾個白飯，連茶芥，因VIP卡有9折，埋單每人都係$95！而且，服務好好，換碟又快，侍應有禮，加上朋友係熟客同經理熟，佢醒咗個生果盤俾我哋之餘，仲額外整多個佢哋招牌甜品俾我哋食！好正！1. 餐前嘅特色小碟我諗住細細碟，原來都唔少，雖然只係分蹄，但做得好爽！2. 個老火湯今晚係翅群煲豬展，原個瓦煲上，份量都夠5、6碗，無味精，好夠味，每匙更都係精華；湯渣就另外碟上，食味就無乜，我諗志在被客睇睇個湯係真材實料咁！3. 極品皇帝蝦，香煎後逐隻碟上，真係有成隻手掌咁大，用刀叉哩食，大啖大啖咬落Ｄ蝦肉度，好正！可惜，4人餐得4隻，有位老友甘願自我犧牲，真係多謝佢咁為大，阿茵，隻皇帝蝦真係好好食架
散叫都比較貴，好彩佢有Ｄ抵食套餐，我哋5個人，女仔多，所以叫個4人餐- 「皇帝蝦海鮮套餐」（$388），有一客特色小碟、豐料老火湯、極品皇帝蝦（4只）、清蒸海上鮮同兩款自選廚師精選小菜、中式糖水，再要幾個白飯，連茶芥，因VIP卡有9折，埋單每人都係$95！而且，服務好好，換碟又快，侍應有禮，加上朋友係熟客同經理熟，佢醒咗個生果盤俾我哋之餘，仲額外整多個佢哋招牌甜品俾我哋食！好正！
1. 餐前嘅特色小碟我諗住細細碟，原來都唔少，雖然只係分蹄，但做得好爽！
2. 個老火湯今晚係翅群煲豬展，原個瓦煲上，份量都夠5、6碗，無味精，好夠味，每匙更都係精華；湯渣就另外碟上，食味就無乜，我諗志在被客睇睇個湯係真材實料咁！
3. 極品皇帝蝦，香煎後逐隻碟上，真係有成隻手掌咁大，用刀叉哩食，大啖大啖咬落Ｄ蝦肉度，好正！可惜，4人餐得4隻，有位老友甘願自我犧牲，真係多謝佢咁為大，阿茵，隻皇帝蝦真係好好食架。
4. 清蒸海上鮮用咗大倉魚，唔算好大條，不過就好新鮮，蒸得又啱啱好，所以Ｄ肉好滑，好鮮味！
5. 廚師精選小菜就揀咗西芹花姿片同蜜餞柚子骨，前者無乜特別，大路酒樓菜，後者Ｄ味道幾好，甜甜哋，又唔覺漏，不過Ｄ肉韌咗少少！成餐飯係Ｄ小菜水準低Ｄ。
食完Ｄ糖水（紅豆沙或芋頭西米露）同生果盤之後，經理額外醒我哋嘅招牌甜品係桂花豆沙糕，上下兩層桂花糕夾住中間一層薄薄嘅豆沙餡，桂花偏清淡，豆沙偏香甜，兩者一夾有幽幽桂花香，又有紅豆嘅甘甜，好夾，好味道！一餐好食嘅晚飯始終要有一道好食嘅甜品作結束先至覺得完整嘅。
張貼
