影片
更多
2018-09-20
1051 瀏覽
上岸料理位於棉登徑，門面沉實又不失優雅，店內大約可以坐到25人，地方細細但都好雅緻，靜靜的感覺好舒服，同三五知己靜靜地食下料理傾下計，亦都係一件好開心嘅事。今晚就約左我一個好耐無見嘅朋友，閒談近況，食物好食之餘，服務亦都好貼身，大家都食得開心。吞拿魚溫泉蛋沙律$58玻璃杯上載著沙律菜、吞拿魚同埋有隻溫泉蛋，最特別係另外有杯醬汁，有紫菜、醋、芝麻醬嘅味道，加埋落啲沙律菜度，酸酸甜甜嘅醋嘅好清新、溫泉蛋又好有蛋香兼令到啲菜好滑口，整體口感味道配合得宜。左口魚薄切$270好欣賞師傅嘅手勢，可以切到啲魚片薄如蟬翼咁，均勻透徹，呢個薄切左口魚要蘸酸汁個酸汁似淡口嘅醬油帶點酸酸味的，再加埋蔥粒同蘿蔔蓉。左口魚肉身帶點彈牙而滑溜，蘸左啲酸汁，突出左魚嘅清甜兼鮮味。石垣貝刺身$85正值當造嘅石垣貝，質地同味道似象拔蚌爽口清甜紅衫魚刺身$116炙燒過魚皮的紅衫魚刺身，魚皮香魚味濃，魚肉紋理清晰，片片魚肉口感豐富汁燒牛小排$60/串牛排燒得好香，汁醬帶點甜味，牛肉約7成熟，肉汁豐富肉質鬆軟內裡粉嫩多汁，汁醬配得恰到好處雞軟骨$30/串雞軟骨燒得唔會太乾，少少椒鹽味好香口，食落有口感，肉質亦脆嫩吉列豚肉串$
今晚就約左我一個好耐無見嘅朋友，閒談近況，食物好食之餘，服務亦都好貼身，大家都食得開心。
吞拿魚溫泉蛋沙律$58玻璃杯上載著沙律菜、吞拿魚同埋有隻溫泉蛋，最特別係另外有杯醬汁，有紫菜、醋、芝麻醬嘅味道，加埋落啲沙律菜度，酸酸甜甜嘅醋嘅好清新、溫泉蛋又好有蛋香兼令到啲菜好滑口，整體口感味道配合得宜。
左口魚薄切$270好欣賞師傅嘅手勢，可以切到啲魚片薄如蟬翼咁，均勻透徹，呢個薄切左口魚要蘸酸汁
個酸汁似淡口嘅醬油帶點酸酸味的，再加埋蔥粒同蘿蔔蓉。
左口魚肉身帶點彈牙而滑溜，蘸左啲酸汁，突出左魚嘅清甜兼鮮味。
石垣貝刺身$85正值當造嘅石垣貝，質地同味道似象拔蚌爽口清甜
紅衫魚刺身$116炙燒過魚皮的紅衫魚刺身，魚皮香魚味濃，魚肉紋理清晰，片片魚肉口感豐富
汁燒牛小排$60/串牛排燒得好香，汁醬帶點甜味，牛肉約7成熟，肉汁豐富肉質鬆軟
內裡粉嫩多汁，汁醬配得恰到好處
雞軟骨$30/串雞軟骨燒得唔會太乾，少少椒鹽味好香口，食落有口感，肉質亦脆嫩
吉列豚肉串$35/串吉列炸得乾脆，面加點沙律醬和香草，外皮炸得香脆內裡豚肉亦鬆軟可口
手羽$32雞皮稍為燒得焦脆，肉質乾身，但好香口
芝士年糕$22／件表層略燒至金黃，內裡煙韌芝士香濃，十分滋味
黑松露烏冬$75經焗過的烏冬面層有芝士同黑松露，松露味香口，芝士拉出一絲絲，加點香草，烏冬又滑身又煙韌，雖然食到好飽，但呢個烏冬確實精彩，有驚喜。
紫薯雪糕$30紫薯味好香濃，質地帶點黏黏的，好好味
杏仁豆腐$30豆腐好滑，杏仁味亦都濃而清甜香口
張貼
