嚐館 (已結業)

同親戚食飯, 灣仔食店佢熟D, 所以佢帶我黎左呢間嚐館. 一上到黎環境同普通既中式餐廳好唔同, 呢度格調高, 似酒店入面既中菜館, 而且有房可以靜靜地一班人食."黑白胡椒鹽絲蟹煲" 呢個蟹煲份量超大, 粉絲滿滿, 一啖入口粉絲腍而爽口, 索晒蟹既鮮味同好香既黑白胡椒, 少少辣好開胃. 肉蟹夠大, 蟹鉗肉質好爽口彈牙, 蟹蓋亦非常多膏, 鮮甜突出."魚片頭浸勝瓜" 食左個太重份量既蟹煲, 所以要多個清清地既魚片頭, 片頭好爽口, 勝瓜軟腍夠味, 清清地簡單調味, 可解油膩感.