影片
更多
2019-04-29
131 瀏覽
住大坑嘅朋友極力推介呢間日式居酒屋, 所以今晚黎到食我人生中第一次嘅 Omakase !!居酒屋室內設計非常柔和, 座位主要以 Bar 枱為主, 可以邊食邊向師傅偷師｡今晚揀左個有前菜+刺身+熱食+壽司+湯品+甜品嘅 Omakase 餐｡前菜: 兵庫縣生蠔 + 富山灣螢光魷魚 + 水雲髮菜生蠔肥大肉厚, 肉質鮮嫩, 入口味道甘甜爽口｡ 螢光魷魚肉身多汁, 口感煙韌, 觸鬚部份較爽脆｡ 水雲髮菜入口非常黏滑, 味道微酸, 令人有開胃嘅感覺｡平政魚望落有 D 似油甘魚, 但味道比油甘魚更清甜, 油份不會太多, 肉質較彈牙, 配埋酸汁食更加美味｡北海道帆立貝 (柚子皮)顏色呈乳白色, 大大粒非常飽滿, 口感彈牙, 加上少少柚子皮, 令味道更鮮甜濃郁｡蛋黃醬牡丹蝦配魚子醬牡丹蝦剝殼挑腸後放入蛋黃醬輕拌, 令蝦肉口感變得嫩滑鮮甜, 再配以魚子醬增加咸鮮味, 味道非常有層次｡北海道毛蟹蟹醋啫喱蟹味濃郁, 啖啖肉, 可以大口大口咁食, 而且加入蟹醋啫喱, 啫喱入口即溶, 其酸味大大提升左蟹肉味, 非常好嘅配搭｡深海池魚比一般池魚更加鮮甜, 肉質爽嫩, 輕微帶點油份｡燒中拖羅厚切嘅中拖羅, 用火槍輕炙
居酒屋室內設計非常柔和, 座位主要以 Bar 枱為主, 可以邊食邊向師傅偷師｡
今晚揀左個有前菜+刺身+熱食+壽司+湯品+甜品嘅 Omakase 餐｡
前菜: 兵庫縣生蠔 + 富山灣螢光魷魚 + 水雲髮菜
生蠔肥大肉厚, 肉質鮮嫩, 入口味道甘甜爽口｡ 螢光魷魚肉身多汁, 口感煙韌, 觸鬚部份較爽脆｡ 水雲髮菜入口非常黏滑, 味道微酸, 令人有開胃嘅感覺｡
平政魚
望落有 D 似油甘魚, 但味道比油甘魚更清甜, 油份不會太多, 肉質較彈牙, 配埋酸汁食更加美味｡
北海道帆立貝 (柚子皮)
顏色呈乳白色, 大大粒非常飽滿, 口感彈牙, 加上少少柚子皮, 令味道更鮮甜濃郁｡
蛋黃醬牡丹蝦配魚子醬
牡丹蝦剝殼挑腸後放入蛋黃醬輕拌, 令蝦肉口感變得嫩滑鮮甜, 再配以魚子醬增加咸鮮味, 味道非常有層次｡
北海道毛蟹蟹醋啫喱
蟹味濃郁, 啖啖肉, 可以大口大口咁食, 而且加入蟹醋啫喱, 啫喱入口即溶, 其酸味大大提升左蟹肉味, 非常好嘅配搭｡
深海池魚
比一般池魚更加鮮甜, 肉質爽嫩, 輕微帶點油份｡
燒中拖羅
厚切嘅中拖羅, 用火槍輕炙表面, 略加少少岩鹽, 用紫菜夾住拖羅 & 紫蘇葉｡ 中拖羅肉質肥美濃郁, 加上油香而無筋, 有入口即溶嘅感覺, 紫菜 & 紫蘇葉剛好平衡左拖羅嘅油膩感｡
汁煮金目鯛魚鮫
魚肉已經煮到非常入味, 而且可以用 “香濃嫩滑” 黎形容｡
壽司 (壽司飯係用赤醋打成, 所以飯粒呈琥珀色, 味道會更香醇濃郁):
金目鯛壽司: 魚皮輕炙一下, 油脂比較適中, 肉質細膩, 爽甜新鮮, 肥美得黎又唔膩｡
剝皮魚壽司: 剝皮魚肉味本身較淡, 但用魚肝壓成蓉同剝皮魚撈埋, 味道即刻昇華左｡
中拖羅壽司: 味濃肥美, 油香豐富, 入口即溶｡
海膽壽司: 用上兩款海膽 (馬糞海膽 & 白海膽)｡ 馬糞海膽味道濃厚甘甜, 而且回甘味強｡ 白海膽肉質嫩滑, 口感同樣濃郁, 甘甜度屬中高｡
三文魚籽壽司: 三文魚籽上放左少少柚子皮碎, 令味道更鮮明｡
右口魚邊壽司: 經火槍輕炙後, 魚油迫晒出黎, 口感順滑｡
洋蔥拖羅手卷: 拖羅打成蓉, 再混入洋蔥及其他配料後捲成手卷, 魚蓉入口即融, 油香更強烈｡
魚湯
真材實料嘅魚湯, 魚味超濃郁, 而且鮮味十足, 相信係用左勁多魚 & 魚骨熬成, 絕對係冇得輸｡
甜品: 綠茶雪糕 雞蛋布甸
綠茶雪糕上放有紅豆粒, 綠茶雪糕 + 紅豆粒一定係絕配｡
雞蛋布甸蛋味香濃, 口感嫩滑, 味道唔會好甜｡
題外話/補充資料：
Wasabi 係用新鮮山葵磨成
(以上食評乃用戶個人意見 , 並不代表OpenRice之觀點。)
張貼
