Monster Burger (已結業)

之前參加OR抽獎中左一吋手打牛肉漢堡套餐, 咁岩今日得閒, 過黎試一試!餐廳光猛, 環境乾淨! 可能因為星期同埋tea time 關係, 餐廳客人唔多~order 食物既時候, 順口問下套餐既汽水可唔可轉其他飲品~他們一口答應, 轉左杯凍檸茶俾我!!! order 完, 佢地叫我可以搵個位坐, 整好會將餐送上! 招呼調到!等左大約十分鐘, 佢地將餐送上, 嘩! d 薯條係即叫即炸gar~~~熱辣辣, 勁香脆! 佢地d 薯條同平時果d 快餐店唔同, 切得比較粗, 炸完都唔會好乾, 而且薯味好重! 一吋手打牛肉漢堡: 麵包夾住一吋既牛肉, 大大塊生菜, 厚厚既番茄加上沙律醬, 單單睇賣相已經好吸引! 一口咬開, 嚿漢堡好香牛肉味, 7成熟, 好多肉汁! 生菜食落爽口, 唔似平時食開果d 會腍晒, "拿"埋一住!佢地好細心, 枱面放左鹽同楜椒, 放便客人! 不過亦都有唔方便既係茄汁要自己去調味架度倒!係枱面既宣傳單張度見到佢地有飯餐包杯飲品, 29蚊~下次可以黎試!